Trending

ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಡಿಜೆ ನಿಷೇಧಕ್ಕೆ ರಾಜ್ಯ ಸರ್ಕಾರ ಚಿಂತನೆ

Spread the love

ಬೆಂಗಳೂರು: ಸಾರ್ವಜನಿಕ ಶಾಂತಿ ಹಾಗೂ ಶಬ್ದ ಮಾಲಿನ್ಯ ನಿಯಂತ್ರಣದ ಹಿನ್ನೆಲೆಯಲ್ಲಿ ರಾಜ್ಯ ಸರ್ಕಾರ ಮಹತ್ವದ ನಿರ್ಧಾರ ಕೈಗೊಳ್ಳುವ ಸಾಧ್ಯತೆ ಇದೆ. ಧಾರ್ಮಿಕ ಕಾರ್ಯಕ್ರಮಗಳು, ಜಾತ್ರೆಗಳು ಮತ್ತು ಮೆರವಣಿಗೆಗಳಲ್ಲಿ ಡಿಜೆ (DJ) ಬಳಕೆಯನ್ನು ಸಂಪೂರ್ಣವಾಗಿ ನಿಷೇಧಿಸುವ ಬಗ್ಗೆ ಗಂಭೀರ ಚಿಂತನೆ ನಡೆಯುತ್ತಿದೆ.

ಕನ್ನಡ ಮತ್ತು ಸಂಸ್ಕೃತಿ ಸಚಿವ ಶಿವರಾಜ್ ತಂಗಡಗಿ ವಿಧಾನಸಭೆಯಲ್ಲಿ ಈ ವಿಚಾರವನ್ನು ಪ್ರಸ್ತಾಪಿಸಿ, ಸಾಂಸ್ಕೃತಿಕ ಹಾಗೂ ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಅತಿಯಾದ ಶಬ್ದವನ್ನು ನಿಯಂತ್ರಿಸುವ ಅಗತ್ಯವಿದೆ ಎಂದು ತಿಳಿಸಿದ್ದಾರೆ.

ಸದನದಲ್ಲಿ ಚರ್ಚೆ ವೇಳೆ ಎಸ್.ಎನ್. ಚನ್ನಬಸಪ್ಪ ಸಹ್ಯಾದ್ರಿ ಉತ್ಸವಕ್ಕೆ ಅನುದಾನ ನೀಡುವಂತೆ ಕೋರಿದರೆ, ಜನಾರ್ಧನ ರೆಡ್ಡಿ ಕೊಪ್ಪಳದ ಆನೆಗುಂದಿ ಉತ್ಸವ ಪುನರಾರಂಭಿಸುವಂತೆ ಒತ್ತಾಯಿಸಿದರು. ಈ ಸಂದರ್ಭದಲ್ಲಿ ಡಿಜೆ ಬಳಕೆಯ ಬಗ್ಗೆ ಚರ್ಚೆ ಗರಂ ಆಯಿತು.

ಕಾರ್ಮಿಕ ಸಚಿವ ಸಂತೋಷ್ ಲಾಡ್ ಡಿಜೆ ಬಳಕೆಯ ವಿರುದ್ಧ ತೀವ್ರ ಆಕ್ಷೇಪ ವ್ಯಕ್ತಪಡಿಸಿ, “ಮೆರವಣಿಗೆಗಳಲ್ಲಿ ಡಿಜೆ ಮತ್ತು ಐಟಂ ಹಾಡುಗಳಿಲ್ಲದೆ ಆಚರಣೆ ಸಾಗುವುದೇ ಇಲ್ಲದಂತಾಗಿದೆ. ಇದು ಸಂಸ್ಕೃತಿಗೆ ಧಕ್ಕೆ ತರುವ ಸಂಗತಿ” ಎಂದು ಹೇಳಿದರು.

ನಿರ್ಧಾರಕ್ಕೆ ಕಾರಣಗಳು

  • ಆರೋಗ್ಯ ಸಮಸ್ಯೆಗಳು: ಹೆಚ್ಚಾದ ಶಬ್ದದಿಂದ ವಯೋವೃದ್ಧರು, ಮಕ್ಕಳು ಹಾಗೂ ರೋಗಿಗಳಿಗೆ ತೊಂದರೆ

  • ಶಬ್ದ ಮಾಲಿನ್ಯ: ನಿಗದಿತ ಮಿತಿಯನ್ನು ಮೀರಿ ಸೌಂಡ್ ಬಳಕೆ

  • ಸಾಂಸ್ಕೃತಿಕ ಹಾನಿ: ಪರಂಪರೆ ವಾದ್ಯಗಳ ಬದಲು ಡಿಜೆ ಬಳಕೆ ಹೆಚ್ಚಳ

ಸರ್ಕಾರದ ಈ ಚಿಂತನೆ ಜಾರಿಯಾದರೆ, ರಾಜ್ಯದ ಧಾರ್ಮಿಕ ಆಚರಣೆಗಳ ಸ್ವರೂಪದಲ್ಲೇ ಮಹತ್ವದ ಬದಲಾವಣೆ ಸಾಧ್ಯತೆ ಇದೆ.

[pj-news-ticker]