ನವದೆಹಲಿ: ಭಾರತದಲ್ಲಿ ಚಿನ್ನದ ಬೆಲೆ ಗಗನಕ್ಕೇರಿದೆ. ಹೂಡಿಕೆದಾರರು ಮತ್ತು ಗ್ರಾಹಕರು ಇಬ್ಬರ ಗಮನವನ್ನೂ ಬಂಗಾರ ಸೆಳೆಯುತ್ತಿದೆ. ಹಳದಿ ಲೋಹದ ಬೆಲೆ ಹೊಸ ಗರಿಷ್ಠ ಮಟ್ಟವನ್ನು ತಲುಪುತ್ತಿರುವುದರಿಂದ, ಮಾರುಕಟ್ಟೆ ವೀಕ್ಷಕರು ಪ್ರತಿಯೊಂದು ಬೆಳವಣಿಗೆಯನ್ನು ಸೂಕ್ಷ್ಮವಾಗಿ ಗಮನಿಸುತ್ತಿದ್ದಾರೆ. ಇತ್ತೀಚೆಗೆ ಮಲ್ಟಿ-ಕಮಾಡಿಟಿ ಎಕ್ಸ್ಚೇಂಜ್ (ಎಂಸಿಎಕ್ಸ್) ನಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 1 ಲಕ್ಷ ರೂ.ಗಳನ್ನು ತಲುಪಿದ್ದು, ದೇಶಾದ್ಯಂತ ಕುತೂಹಲ ಮೂಡಿಸಿದೆ.
ಜಾಗತಿಕ ಬೆಳವಣಿಗೆಗಳು ಮತ್ತು ಆರ್ಥಿಕ ಅನಿಶ್ಚಿತತೆಗಳೇ ಚಿನ್ನದ ಬೆಲೆಯಲ್ಲಿನ ಪ್ರಸ್ತುತ ಏರಿಕೆಗೆ ಕಾರಣ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಹಣದುಬ್ಬರ, ವ್ಯಾಪಾರ ಉದ್ವಿಗ್ನತೆ ಮತ್ತು ಕರೆನ್ಸಿ ಏರಿಳಿತಗಳಂತಹ ಅಂಶಗಳು ಹೂಡಿಕೆದಾರರನ್ನು ಚಿನ್ನದತ್ತ ಮುಖ ಮಾಡುವತ್ತ ಪ್ರೇರೇಪಿಸುತ್ತಿವೆ. ಸುಂಕಗಳ ಸುತ್ತಲಿನ ಊಹಾಪೋಹಗಳು, ಕರೆನ್ಸಿ ಏರಿಳಿತ ಮತ್ತು ಜಾಗತಿಕ ಬೆಳವಣಿಗೆಯ ನಿಧಾನಗತಿಯು, ಹಳದಿ ಲೋಹಕ್ಕೆ ಬೇಡಿಕೆಯನ್ನು ಹೆಚ್ಚಿಸುತ್ತಿದೆ.
ಈ ಬೆಳವಣಿಗೆಗಳ ಮಧ್ಯೆ, ಬಲ್ಗೇರಿಯನ್ ಅತೀಂದ್ರಿಯ ಬಾಬಾ ವಂಗಾ ಅವರ ಹಳೆಯ ಭವಿಷ್ಯವಾಣಿಗಳು ಮತ್ತೆ ಹೊರಹೊಮ್ಮಿವೆ. ಜಾಗತಿಕ ಆರ್ಥಿಕ ಬಿಕ್ಕಟ್ಟಿನ ಬಗ್ಗೆ ಅವರು ಅದಾಗಲೇ ಎಚ್ಚರಿಕೆಗಳನ್ನು ನೀಡಿದ್ದರು. ಅವರ ಭವಿಷ್ಯವಾಣಿಗಳ ವ್ಯಾಖ್ಯಾನಗಳ ಪ್ರಕಾರ, 2026 ರಲ್ಲಿ ಜಗತ್ತು ನಗದು ಕೊರತೆಯ ಪರಿಸ್ಥಿತಿಯನ್ನು ಅನುಭವಿಸಬಹುದು ಎನ್ನಲಾಗಿದೆ.
ಇದರರ್ಥ ಬ್ಯಾಂಕಿಂಗ್ ಸಮಸ್ಯೆಗಳು, ದ್ರವ್ಯತೆ ಕೊರತೆ ಮತ್ತು ಸಾಂಪ್ರದಾಯಿಕ ಹಣಕಾಸು ವ್ಯವಸ್ಥೆಗಳ ಮೇಲೆ ಪರಿಣಾಮ ಬೀರುವ ಬಿಕ್ಕಟ್ಟು ಉಂಟಾಗಬಹುದು. ಅಂತಹ ಸನ್ನಿವೇಶವು ತೆರೆದುಕೊಂಡರೆ, ಚಿನ್ನದ ಬೆಲೆಗಳು ಇನ್ನೂ ಹೆಚ್ಚಾಗಬಹುದು ಎಂದು ತಜ್ಞರು ನಂಬುತ್ತಾರೆ.
ಜಾಗತಿಕ ಆರ್ಥಿಕ ಹಿಂಜರಿತದ ಸಮಯದಲ್ಲಿ, ಚಿನ್ನದ ಬೆಲೆ ಶೇ. 20 ರಿಂದ ಶೇ. 50 ರಷ್ಟು ಏರಿಕೆಯಾಗಿದೆ. ಒಂದು ವೇಳೆ ದೊಡ್ಡ ಬಿಕ್ಕಟ್ಟು ಎದುರಾದರೆ, 2026ರ ದೀಪಾವಳಿಯ ವೇಳೆಗೆ ಭಾರತದಲ್ಲಿ ಚಿನ್ನದ ಬೆಲೆ 10 ಗ್ರಾಂಗೆ 1.62 ಲಕ್ಷದಿಂದ 1.82 ಲಕ್ಷ ರೂ.ಗಳವರೆಗೆ ತಲುಪಬಹುದು ಎಂದು ವಿಶ್ಲೇಷಕರು ಭವಿಷ್ಯ ನುಡಿದಿದ್ದಾರೆ.
ಹೂಡಿಕೆದಾರರಿಗೆ, ಇದು ಅನಿಶ್ಚಿತ ಕಾಲದಲ್ಲಿ ಸ್ಮಾರ್ಟ್ ಹೆಡ್ಜ್ ಆಗಿ ಚಿನ್ನದ ಸ್ಥಾನವನ್ನು ಬಲಪಡಿಸುತ್ತದೆ. ಇತರ ಹೂಡಿಕೆಗಳು ಅಪಾಯಕಾರಿ ಅಥವಾ ಅನಿರೀಕ್ಷಿತವಾಗಿ ಕಂಡುಬಂದಾಗ, ಹಳದಿ ಲೋಹವು ಸಂಪತ್ತನ್ನು ರಕ್ಷಿಸುವ ಒಂದು ಮಾರ್ಗವಾಗಿದೆ. ದಿನನಿತ್ಯದ ಗ್ರಾಹಕರಿಗೆ, ವಿಶೇಷವಾಗಿ ಭಾರತದಲ್ಲಿ, ಚಿನ್ನವು ಸಂಸ್ಕೃತಿ ಮತ್ತು ಭಾವನೆಗಳೊಂದಿಗೆ ಸಂಬಂಧ ಹೊಂದಿದ್ದು, ಈ ಏರುತ್ತಿರುವ ಬೆಲೆಗಳು ಖರೀದಿಯ ಮೇಲೆ ಪ್ರಭಾವ ಬೀರಬಹುದು. ಆದರೆ ತಜ್ಞರು, ಜನರು ಎಚ್ಚರಿಕೆಯಿಂದ ಮತ್ತು ಪ್ರಾಯೋಗಿಕವಾಗಿರಲು ಒತ್ತಾಯಿಸಿದ್ದಾರೆ.
ಇಲ್ಲಿಯವರೆಗೆ, ಬಾಬಾ ವೆಂಗಾ ಅವರ ಹಲವು ಭವಿಷ್ಯವಾಣಿಗಳು ನಿಜವಾಗಿವೆ. ಬಾಬಾ ವೆಂಗಾ ಅವರು ಅಮೆರಿಕದಲ್ಲಿ 9/11 ಭಯೋತ್ಪಾದಕ ದಾಳಿ, ಚೀನಾದ ಅಭಿವೃದ್ಧಿ, 2025 ರಲ್ಲಿ ಮ್ಯಾನ್ಮಾರ್ನಲ್ಲಿ ಭೂಕಂಪದಂತಹ ಘಟನೆಗಳನ್ನು ಈಗಾಗಲೇ ಭವಿಷ್ಯ ನುಡಿದಿದ್ದರು, ಅದು ನಿಜವೆಂದು ಸಾಬೀತಾಗಿದೆ.
