Trending

ಆನಂದಪುರ : ಬೈಕ್ ಅಡ್ಡಗಟ್ಟಿ ಲಕ್ಷಾಂತರ ರೂ ದರೋಡೆ

Spread the love

ಆನಂದಪುರ: ಶಿಕಾರಿಪುರ ರಸ್ತೆಯ ದಾನಂದೂರು ಕ್ರಾಸ್ ನಲ್ಲಿ ಬೈಕ್ ಅಡ್ಡಗಟ್ಟಿ ಬಂಗಾರದ ಸರ ಬೆಳ್ಳಿ ಬ್ರಾಸ್ಲೈಟ್, ಎರಡು ಐಫೋನ್, ನಗದು ಹಣವನ್ನು ದರೋಡೆ ಮಾಡಿದ ಘಟನೆ ಇತ್ತೀಚಿಗೆ ನಡೆದಿದೆ.

ಆನಂದಪುರ ಪಟ್ಟಣದಲ್ಲಿ ರಾ. ಕಲೆಕ್ಷನ್ ಬಟ್ಟೆ ಅಂಗಡಿಯ ಮಾಲೀಕ ಮಹೇಶ್ ನ. 24ರಂದು ತನ್ನ ಅಂಗಡಿಯ ವ್ಯವಹಾರವನ್ನು ಮುಗಿಸಿ, ಶಿಕಾರಿಪುರ ತಾಲೂಕು ಅಣ್ಣಾಪುರ ಗ್ರಾಮದ ತಮ್ಮ ನಿವಾಸಕ್ಕೆ ರಾತ್ರಿ 11:20ಕ್ಕೆ  ಬೈಕ್ ನಲ್ಲಿ ತೆರಳುತ್ತಿರುವಾಗ ಗೌತಮಪುರ ಗ್ರಾಮದ ದೊನಂದೂರು ಕ್ರಾಸ್ ನಲ್ಲಿ ಬೈಕ್‌ನಲ್ಲಿ ಬಂದಿದ್ದ ಇಬ್ಬರೂ ಮಹೇಶ್ ರವರ ಬೈಕನ್ನು ಅಡ್ಡಗಟ್ಟಿ ಜೋಗಕ್ಕೆ ಹೋಗುವ ರಸ್ತೆ ಯಾವುದೆಂದು ವಿಳಾಸ ಕೇಳುವ ನೆಪದಲ್ಲಿ ಮಹೇಶ್ ಗೆ ಚಾಕು ಮತ್ತು ಲಾಂಗ್ ತೋರಿಸಿ ಕೊರಳಿನಲ್ಲಿದ್ದ 15 ಗ್ರಾಂ ಬಂಗಾರದ ಸರ, ಕೈಗೆ ಧರಿಸಿದ್ದ ಬೆಳ್ಳಿಯ ಬ್ರಾಸ್ಲೈಟ್, ಎರಡು ಐಫೋನ್ ಮೊಬೈಲ್ ಕಸಿದುಕೊಂಡಿದ್ದಾರೆ.

ಅಲ್ಲದೇ ಹಣ ಕೊಡುವಂತೆ  ಹೆದರಿಸಿ ಲಾಂಗ್ ತೋರಿಸಿ ಜೇಬಿನಲ್ಲಿ ಇದ್ದ 26500 ನಗದು ಹಣವನ್ನು, ಬ್ಯಾಗಿನಲ್ಲಿ  ಇದ್ದ ಬ್ಯಾಂಕುಗಳ ಚೆಕ್ ಬುಕ್ ಗಳನ್ನು  ಕಸಿದುಕೊಂಡು ಶಿಕಾರಿಪುರದ ಕಡೆಗೆ ಪರಾರಿಯಾಗಿದ್ದಾರೆ.

ಈ ವಿಷಯಕ್ಕೆ ಸಂಬಂಧಪಟ್ಟಂತೆ ಮಹೇಶ್ ಪೊಲೀಸರಿಗೆ ನೀಡಿದ ದೂರಿನ ಮೇರೆಗೆ ಆನಂದಪುರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದ್ದು ದರೋಡೆಕೋರರ ಬಗ್ಗೆ ಆನಂದಪುರ ಪೊಲೀಸರು ಮಾಹಿತಿ ಸಂಗ್ರಹಿಸುವಲ್ಲಿ ಮುಂದಾಗಿದ್ದಾರೆ.

[pj-news-ticker]